Кіруючым органам першаснай арганізацыі БТЧК* УА БДМУ з'яўляецца Прэзідыум. Кампетэнцыя Прэзідыума вызначана Уставам арганізацыі. Яго колькасны і якасны склад абіраецца канферэнцыяй нашай арганізацыйнай структуры БТЧК. Узначальвае працу Прэзідыума Старшыня БТЧК УА БДМУ. З ліку членаў Прэзідыума сфарміраваны таксама Сакратарыят і Падліковая камісія БТЧК УА БДМУ.

Кожны факультэт Беларускага дзяржаўнага медыцынскага універсітэта мае прадстаўнікоў у Прэзідыуме з ліку выкладчыкаў і студэнтаў для забеспячэння ўзаемасувязі нашай першаснай арганізацыі з усімі структурнымі падраздзяленнямі. Раўназначная прэзентацыя факультэтаў ў Прэзідыуме дазваляе таксама раўнамерна размеркаваць іх уклад у дзейнасць БТЧК УА БДМУ, а часам і суміраваць іх удзел пры рэалізацыі многіх дабрачынных праектаў

Па выніках 2012 года Беларускі Чырвоны Крыж з'яўляецца адным з самых масавых грамадскіх аб'яднанняў, якія функцыянуюць у сценах медыцынскага універсітэта. Мы з'яўляемся адной з 8 033 першасных арганізацый БТЧК нашай краіны і аб'ядноўваем у сваіх шэрагах больш чым 6500 членаў Таварыства. Колькасць моладзі ў складзе членаў Беларускага Таварыства Чырвонага Крыжа па зразумелых прычынах вялікая і складае 85%.

БТЧК УА БДМУ здолела прыцягнуць значную колькасць неабыякавых людзей: 6653 члена Таварыства і 83 валанцёра з ліку студэнтаў універсітэта.

БТЧК УА БДМУ да сваёй дзейнасці прыцягвае валанцёраў у якасці асноўнага чалавечага рэсурсу для дасягнення сваёй місіі. Валанцёры ўдзельнічаюць у рэалізацыі ўсіх праграм і мерапрыемстваў, накіраваных на аказанне дапамогі ўразлівым людзям, захаванне здароўя грамадзянаў, павышэнне санітарнай культуры насельніцтва, распаўсюджванне Асноватворных прынцыпаў і гуманітарных каштоўнасцяў, робяць важны ўнёсак у кіраўніцтва і кіраванне арганізацыяй, ва ўмацаванне і развіццё яе патэнцыялу.

Моладзь і валанцёры за апошнія два гады правялі больш за 20 розных мерапрыемстваў, па выніках якіх была аказана дапамога больш чым 500 чалавекам, якія адносяцца да уразлівых катэгорый насельніцтва.

Асноўныя напрамкі работы