Факультэт павышэння кваліфікацыі перападрыхтоўкі кадраў

Адрас: 220116, г. Мінск, пр-т Дзяржынскага, 83, вучэбны корп. 5, к.118
Тэлефон: +375 17 367 94 93, +375-29-379-46-01 (А1).
Эл.пошта: fpk@bsmu.by

Факультэт павышэння кваліфікацыі перападрыхтоўкі кадраў ва ўстанове адукацыі “Беларускі дзяржаўны медыцынскі ўніверсітэт” створаны загадам рэктара ўніверсітэта ад 14.02.2017 №105 “Аб стварэнні факультэта павышэння кваліфікацыі перападрыхтоўкі кадраў” установы адукацыі “Беларускі дзяржаўны медыцынскі ўніверсітэт” у выкананне загаду Міністэрства аховы здароўя Рэспублікі Беларусь ад 26.12.2016 №1297 “Аб адкрыцці факультэтаў павышэння кваліфікацыі і перападрыхтоўкі”.

Першым дэканам факультэта быў доктар медыцынскіх навук, прафесар Ірына Мікалаеўна Мароз (2017-2018). У цяперашні час дэканам факультэта з'яўляецца кандыдат медыцынскіх навук, дацэнт Аксана Аляксандраўна Цеслава. Праца факультэта ажыццяўляецца ў адпаведнасці з планам работы факультэта, які зацвярджаецца на каляндарны год. На факультэце дзейнічае калегіяльны орган кіравання – Савет факультэта павышэння кваліфікацыі і перападрыхтоўкі кадраў, яго старшынёй з'яўляецца дэкан факультэта.

Факультэтам рэалізуюцца адукацыйныя праграмы павышэння кваліфікацыі, перападрыхтоўкі, навучальных курсаў і стажыроўкі.

Адукацыйны працэс паслядыпломнай адукацыі ажыццяўляецца 40 структурнымі падраздзяленнямі ўніверсітэта: дзвюма кафедрамі, якія ўваходзяць у склад факультэта павышэння кваліфікацыі і перападрыхтоўкі кадраў (кафедра агульнай урачэбнай практыкі і кафедра анестэзіялогіі і рэаніматалогіі), трыццаццю сямю кафедрамі, што ўваходзяць у склад іншых факультэтаў універсітэта, і лабараторыяй практычнага навучання. У рэалізацыі адукацыйных праграм дадатковай адукацыі дарослых на кафедрах універсітэта задзейнічана больш за 200 выкладчыкаў, з якіх больш за 60% маюць вучонае званне дацэнта, больш за 20% – вучонае званне прафесара.

Навучанне слухачоў носіць практыка-арыентаваны характар, ажыццяўляецца з дапамогай сімуляцыйнага абсталявання на базе лабараторыі практычнага навучання і кафедраў. У адукацыйным працэсе павышэння кваліфікацыі ўкаранёна выкарыстанне сучасных тэхнічных сродкаў навучання ў аддаленым доступе, камунікацыйных і дыстанцыйных тэхналогій навучання. Пры атэстацыі слухачоў прымяняюцца тэхналогіі аб'ектыўнага структураванага клінічнага экзамену.

У працэсе навучання надаецца значная ўвага асновам ідэалогіі і палітыкі беларускай дзяржавы ў вобласці аховы здароўя грамадзян: Дзяржаўным праграмам і прыярытэтным напрамкам развіцця аховы здароўя, нарматыўнаму прававому забеспячэнню адукацыйнай і медыцынскай дзейнасці, пытанням медыцынскай этыкі і дэанталогіі.

У 2022 годзе ўніверсітэт рэалізуе адукацыйныя праграмы перападрыхтоўкі, павышэння кваліфікацыі і навучальных курсаў у адпаведнасці са Зводным планам павышэння кваліфікацыі кіраўнікоў і спецыялістаў аховы здароўя Рэспублікі Беларусь на 2022 год, зацверджаным Міністэрствам аховы здароўя Рэспублікі Беларусь 06.12.2021.

 

 Падзяліцеся