Галоўная Універсітэт

Установа адукацыі
«Беларускі дзяржаўны медыцынскі ўніверсітэт»

Белорусский государственный медицинский университет

Віртуальныя экскурсіі

Прапануем вашай увазе віртуальныя экскурсіі па нашым універсітэце.

Мерапрыемствы

Усе мерапрыемствы, якія праводзяцца ў нашым універсітэце.

Наша фотагалерэя

Яркія моманты жыцця ўніверсітэта ў фотаздымках.


УА «Беларускі дзяржаўны медыцынскі ўніверсітэт» - вядучая вышэйшая медыцынская навучальная ўстанова Рэспублiкi Беларусь, якая мае заслужаны міжнародны аўтарытэт і прызнанне. Пачатак яго гісторыі датуецца 1921 годам, калі было абвешчана аб адкрыцці Беларускага дзяржаўнага ўніверсітэта, у склад якога ў той час уваходзіў і медыцынскі факультэт. У 1930 годзе на базе факультэта быў арганізаваны Беларускі медыцынскі інстытут.

Факультэты універсітэта

У 1960 годзе быў адкрыты стаматалагічны факультэт, у 1964 г. - педыятрычны і санітарна-гігіенічны факультэты, ў 1967 годзе - медыцынскі факультэт замежных навучэнцаў. У 1995 годзе ў складзе інстытута быў арганізаваны ваенна-медыцынскі факультэт.

У 1971 годзе за заслугі ў падрыхтоўцы кадраў, развіццё аховы здароўя і медыцынскай навукі Мінскі дзяржаўны медыцынскі інстытут Указам Прэзідыума Вярхоўнага Савета СССР узнагароджаны ордэнам Працоўнага Чырвонага Сцяга.

28 чэрвеня 2001 г. Мінскі дзяржаўны медыцынскі інстытут перайменаваны ў дзяржаўную вышэйшую навучальную ўстанову 'Беларускі дзяржаўны медыцынскі ўніверсітэт». З 2001 года БДМУ мае статус вядучага медыцынскага ўніверсітэта Рэспублікі Беларусь.

Прафесарска-выкладчыцкі састаў  уключае больш за 880 выкладчыкаў, з іх больш за 64% маюць навуковую ступень. У БДМУ выкладаюць 3 члены-карэспандэнты НАН Беларусі; 12 лаўрэатаў Дзяржаўных прэмій СССР, БССР і Рэспублікі Беларусь; 12 заслужаных дзеячаў навукі БССР (Рэспублікі Беларусь); 3 заслужаныя ўрачы БССР (Рэспублікі Беларусь); 1 заслужаны работнік адукацыі Рэспублікі Беларусь і 1 заслужаны работнік аховы здароўя Рэспублікі Беларусь. Больш за 350 супрацоўнікаў клінічных кафедраў маюць вышэйшую медыцынскую катэгорыю.

Міжнароднае супрацоўніцтва ў сферы навукі і адукацыі - адзін з прыярытэтных напрамкаў дзейнасці БДМУ. БДМУ з'яўляецца асацыяваным сябрам Міжнароднай асацыяцыі выпускнікоў ВНУ, Міжнароднай асацыяцыі вышэйшай медыцынскай адукацыі, Еўрапейскай асацыяцыі медыцынскіх ВНУ (AMSE), супрацоўнічае з СААЗ, Сусветным таварыствам абароны жывёл (WSPA), удзельнічае ў многіх міжнародных даследчых праграмах і праектах (TEMPUS, TASIS і іншыя) .

Навуковай працай займаюцца больш за 800 выкладчыкаў і навуковых супрацоўнікаў.

На 70 кафедрах універсітэта навучаюцца 7046 студэнтаў, 68 аспірантаў і 286 клінічных ардынатараў, у тым ліку 808 замежных студэнтаў і 74 замежныя клінічныя ардынатары.

З 1954 года ва ўніверсітэце функцыянуе Цэнтральная навукова-даследчая лабараторыя (ЦНДЛ). У 2012 годзе ЦНДЛ была рэарганізавана ў Навукова-даследчую частку з 6 навуковымі лабараторыямі і 8 навуковымі групамі ў складзе каля 100 навуковых супрацоўнікаў і лабарантаў. Па аб'ёмах выкананых навуковых даследаванняў, узроўні матэрыяльна-тэхнічнага абсталявання і кадравага складу ЦНДЛ універсітэта супастаўляльная з галіновым навукова-даследчым інстытутам. Разам з асобнымі заданнямі дзяржаўных праграм, супрацоўнікамі ўніверсітэта выконваюцца інавацыйныя праекты і праекты, якія фінансуюцца Беларускім фондам фундаментальных даследаванняў. На працягу многіх гадоў БДМУ, адзіны сярод устаноў адукацыі рэспублікі, з'яўляецца галаўной арганізацыяй-выканаўцам работ па двух дзяржаўных навукова-тэхнічных праграмах.

Ва ўніверсітэце паспяхова ажыццяўляецца падрыхтоўка кадраў вышэйшай навуковай кваліфікацыі. У сярэднім штогод супрацоўнікамі і аспірантамі ўніверсітэта абараняецца 3 доктарскія і каля 30 кандыдацкіх дысертацый.

Зараз у Беларускім дзяржаўным медыцынскім ўніверсітэце актыўна ўкараняюцца сучасныя эфектыўныя адукацыйныя тэхналогіі, пастаянна ўдасканальваецца інфармацыйнае забеспячэнне навучальнага працэсу. У ВНУ маецца вялікі выбар камп'ютарных адукацыйных праграм, багатая электронная бібліятэка, доступ на медыцынскія сайты Інтэрнэту.

Усведамляючы важнасць удзелу ў сусветным навукова-адукацыйным працэсе, універсітэт праводзіць актыўную працу па ўсталяванні і развіцці супрацоўніцтва з міжнароднымі арганізацыямі. На сённяшні дзень універсітэт прадстаўлены ў шэрагу вядучых міжнародных рэйтынгаў і штогод паляпшае свае пазіцыі ў іх.

У рамках Міжнароднай асацыяцыі выпускнікоў ВНУ на базе Беларускага дзяржаўнага медыцынскага ўніверсітэта была створана і функцыянуе Асацыяцыя выпускнікоў БДМУ.

 

 Падзяліцеся