Гісторыя

У 1931 годзе ў Мінскам медыцынскім інстытуце быў арганізаваны факультэт аховы мацярынства і дзяцінства. Першым дэканам факультэта (1931-1935 гг.) быў заснавальнік педыятрычнай школы Беларусі, доктар медыцынскіх навук, акадэмік АН БССР, прафесар Лявонаў В.А.

У 1914 годзе ён з дыпломам I ступені скончыў Санкт-Пецярбургскую вайскова-медыцынскую акадэмію.

Прысуджана навуковая ступень доктара медычных навук у 1921 г.

У 1924 годзе ўдастоіўся навуковага звання прафесара.

На факультэце было два аддзяленні – акушэраў-гінеколагаў і ўрачоў аховы мацярынства і маленства. Пасля факультэт быў закрыты.

У 40-х і 50-х гадах у рэспубліцы стала адчувацца вострая нястача медыцынскіх працаўнікоў. Дзіцячая смяротнасць у 1946 годзе складала 57,8 на 1000 народжаных, у 1955 годзе – 51,6. Падрыхтоўка дзіцячых урачоў вялася на лячэбным факультэце, дзе на педыятрыю адводзілася толькі 160 навучальных гадзін.

Напачатку 1964 гады Савет Міністраў БССР прыняў рашэнне адкрыць педыятрычны факультэт пры Мінскам дзяржаўным медыцынскім інстытуце з прыёмам у 100 чалавек. Гэта быў лепшы падарунак I з'езду дзіцячых урачоў Беларусі, які адбыўся 3-5 лютага 1964 года.

У 1964 годзе адбылося адкрыццё педыятрычнага факультэта Мінскага дзяржаўнага медыцынскага інстытута.

Казько Павел Ісакавіч - акушэр-гінеколаг, к.м.н., дацэнт
Дэкан у перыяд 1964-1967 гг.

У 1954 годзе скончыў Мінскі медыцынскі інстытут.

Кандыдацкая дысертацыя – «Пра ўжыванне некаторых лекавых рэчываў з мэтай лекава-ахавальнага тармажэння ў прад- і пасляаперацыйным перыядах (аміназін, барбаміл, спірт утрымоўвальныя сумесі», 1958 г.

У 1963 годзе прысвоена навуковае званне дацэнта.

У 1967 годзе зацверджаны на пасадзе прарэктара па навучальнай працы Мінскага медычнага інстытута.

У 1971 годзе прысвоена ганаровае званне Заслужаны урач БССР, таксама ўзнагароджаны баявымі ордэнамі і медалямі.

Кожны раз, звяртаючыся да першакурснікаў, Павел Ісакавіч казаў: «Быць лекарам ганарова і высакародна. Той, хто вырашыўся ім стаць, павінен умець аддаць усяго сябе служэнню людзям, быць чалавекам, закаханым у сваю спецыяльнасць, сумленна выконваючы свой абавязак скрозь і ўсюды, у кожнае надвор'е, кожны час днём і ноччу. Прафесія ўрача, разам з тым, адказная і цяжкая, патрабуе шмат ведаў, пастаяннагаўдасканалення, працавітасці».

Гарбачоў Уладзімір Васільевіч - кардыёлаг-клініцыст, д.м.н., прафесар
Дэкан у перыяд 1967-1970 гг.

Скончыў Віцебскі медыцынскі інстытут у 1952 годзе.

Кандыдацкая дысертацыя – «Параўнальная ацэнка ўплыву некаторых лекавых сродкаў на змену ўтрымання халестэрыну, лецыціну, бялковых і ліпапратэінавых фракцый у сыроватцы крыві хворых атэрасклерозам», 1961 г.

Доктарская дысертацыя – «Забяспечанасць хворых каранарным атэрасклерозам вітамінамі С, В1, В6, PP і А, іх стасункі паміж сабой і ўзаемасувязь з некаторымі паказнікамі бялковага і ліпіднага абмену», 1969 г.

Барадзін Іван Фаміч - хірург, д.м.н., прафесар
Дэкан у перыяд 1970-1975 гг.

Скончыў Мінскі медыцынскі інстытут у 1954 годзе.

Кандыдацкая дысертацыя – «Аператыўнае лячэнне закрытых і адкрытых пераломаў костак у святле аддаленых вынікаў», 1959 г.

Доктарская дысертацыя – «Матэрыялы біяхімічнай характарыстыкі рэгенерацыі касцявой тканіны і лячэнне адзінкавых і множных пераломаў доўгіх трубчастых костак», 1972 г.

Узнагароджаны баявым ордэнам і медалямі, значком «Выдатнік аховы здароўя».

Новікаў Пётр Лявонавіч - інфекцыяніст, д.м.н., прафесар
Дэкан у перыяд 1975-1988 гг.

З адзнакай скончыў Мінскі медыцынскі інстытут у 1958 годзе.

Кандыдацкая дысертацыя – «Клініка-электракардыяграфічныя паралелі пры брушным тыфе ў дзяцей, падлеткаў і дарослых», 1969 г.

Доктарская дысертацыя – «Патагенетычныя асновы сучаснай тэрапіі генералізаваных формаў менінгакокавай інфекцыі ў дзяцей», 1977 г.

Узнагароджаны дзвюма Ганаровымі граматамі ВС БССР у 1981 г. і ў 1985 г., значком «Выдатнік аховы здароўя» ў 1974 г. Прысвоена ганаровае званне заслужанага працаўніка аховы здароўя РБ у 1991 г.

Сукала Аляксандр Васільевіч - педыятр, д.м.н., прафесар
Дэкан у перыяд 1988-1996 гг.

Член-карэспандэнт Нацыянальнай акадэміі навук Беларусі.

Скончыў з адзнакай Мінскі дзяржаўны медыцынскі інстытут у 1975 годзе.

Кандыдацкая дысертацыя – «Клініка-імуналагічная характарыстыка і прафілактыка рэцыдываў гламеруланефрыту ў дзяцей», 1982 г.

Доктарская дысертацыя – «Першасны гламеруланефрыт у дзяцей Беларусі ў сучасных экалагічных умовах», 1995 г.

Узнагароджаны Ганаровай граматай Савета Міністраў РБ у 1996 годзе, значком «Выдатнік аховы здароўя СССР» у 1978 годзе. Мае медаль за працоўныя заслугі ў 2007 годзе. Прысвоена ганаровае званне заслужанага дзеяча навук РБ у 2002 годзе. Член-карэспандэнт Нацыянальнай акадэміі навук Беларусі – 2009 год.

У 1992 годзе было прынята рашэнне пра закрыццё педыятрычнага факультэта.

2 верасня 1996 года адбылося з'яднанне лячэбнага і педыятрычнага факультэтаў МДМІ і ўтварэнне лячэбна-прафілактычнага факультэта.

У 1997 годзе адбылося адкрыццёпедыятрычнага факультэта Беларускага дзяржаўнага медыцынскага ўніверсітэта.

Сікорскі Анатоль Віктаравіч - педыятр, к.м.н., дацэнт
Дэкан у перыяд 1997-2009 гг.

Скончыў Мінскі дзяржаўны медыцынскі інстытут у 1982 годзе.

Кандыдацкая дысертацыя – «Гемадынамічныя зрушэнні ў дзяцей з першаснай артэрыяльнай гіпатэнзіяй і іх карэкцыя», 1988 г.

Мае медаль «За працоўныя заслугі», 2009 г.

Кепяць Васіль Аркадзьевіч - дзіцячы хірург, к.м.н., дацент
Дэкан у перыяд 2009-2015 гг. 

Скончыў Мінскі дзяржаўны медыцынскі інстытут у 1989 г.

Кандыдацкая дысертацыя - «Ужыванне низкаінтэнсіўнага лазернага выпраменьвання ў комплексным лячэнні вострага гематагеннага астэаміэліту ў дзяцей». Выкананыя навуковыя даследаванні, ляглі ў аснову распрацоўкі і абнаўлення нацыянальных пратаколаў ў гнойнай хірургіі ў дзяцей.

Урач вышэйшай кваліфікацыйнай катэгорыі па спецыяльнасці дзіцячая хірургія.